خدنا صوره (294)
..............
خدنا صوره
حكاوي توره
لون وشوش
دافعه الفاتوره
شوفنا ناس عازمه لفرحهم فيه اللي جاب
وش لحضوره ..
لو دققنا فيه نفتش
مين ملايكه
ومين أبلسه مين اللي بان تراميم كسوره
فيه اللي جايا بقلب صافي تقضي واجب والعوافي ..
واللي نار ولا 100 مطافي تجري منها حافي حافي
واللي داخله في عرض ماشي حاطه عينها عليه
ما جاشي ..
واللي جايا النيه ناويا
تملا كيسها بأكل ماشي
اللي يجي في كيستي
فايده حد شاف
بين الكراسي
واللي قاعدين راس في راس نزلوا رغي وهري جاز قالوا قالوا وياما قالوا قالوا طوب
يكسر قزاز
واللي الغيره من عينيها
حاسده لو الليله ليها
إستكترت فرحه جارتها
بصوا بووزها بيدي أيه
خبي داري لسه باقي
التصافي والبواقي
أوكازيون راصص عروضه أصلي ماكسي
وفالصو عاري ..
كل ده موجود في صوره لون تواضع
لون تعالي ..
ياما فيه من دي حكاوي
طب نفسي
ومين يداوي
بقلم .. صبري رسلان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.