يادنيا بامعذًبة
يادنيا يامعذبة الناس بالدور
زقي بقى الضلمة وهاتي النور
ماشي فيك يادنيا ومفتًح
وخايف لتخبطيني في سور
الدنيا ظالمة الناس
والناس اشتكوا كتير
تعاملهم بقى باحساس
ظلمها اصبح خطير
يادنيا سبينا في حالنا
كفايه كده آسيه
عايزين نروًق بالنا
متبقاش كده عناديه
الدنيا كده من يومها
كأننا أعداء ليها
حرمتنا حتى نومها
وادينا عايشين فيها
بتحارب فينا دنيتنا
واحنا ليها استسلمنا
ماهيه برضو اللي غوتنا
وطول عمرنا ماتمكنًا
ليه يادنيا شغلانا بيكي
وجودنا اصلا مش عشانك
جنتنا اصلا مش فيكي
ياريت نتوه عن عنوانك
لاعبينا يادنيا على كيفك
واحنا سابينك على راحتك
تعبتينا في شتاكي وصيفك
طول ليلنا عايشين بمناحتك
يادنيا اعدلي ميزانك
وساوي مابين البشر
ليه بتزودي اخزانك
شفنا فيكي والله العبر
يانيا فرًقتي الاحبه
وحرمتيهم م المحبه
حرام عليكي ياشيخة
هنيهم بقى حبه
يادنيا اهدي شويه علينا
كتبت النهايه لاجمل مافينا
ضيعتي مشاعرنا واحساسنا
وكانوا هما الامل لينا
يادنيا ياآسيا شويتين
سقتينا من المر كاسين
حنى بقى شويه ارجوكي
دمنا بيسيل من العين
يادنيا اغلطي وهاتي القمر
يادنيا شبعنا من السهر
ومن الالام ومن التعب
رقي بقى وكفايه قهر
يادنيا متزعليش منا
احنا بنقول الحقيقة
ابعدي الاحزان عنا
خليكي يلا جريئة
يادنيا ياخريف الفصول
ليه الليل علينا يطول
وليه الامل فيكي يادنيا
طول العمر منا يزول
يادنيا وحياتك ماتستهبليش
اوقات بتعملي انك عبيطة
مهما هاتذلي مايهمنيش
عارفك اصلا انك حويطه
بادنيا خليكي في صفنا
بلاش تستغلى ضعفنا
انت مالكيش الا احنا
تعالى افرحينا كلنا
عجيب يادنيا بجد امرك
واحنا قال اللي تحت امرك
كل شئ فيكي غريب
اسمحي مرة بضى قمرك
********
بقلمي / رمضان عبدالله أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.