قولنا بكرة ترق وتحللى
وانتظرنا بكرة يجي
وكل مايجي بكرة
نلاقى برده تزيد الوحله
هو فى إيه السنه دى
من أولها فارده شوكها
يوماتي يشك فينا
وإحنا نصبر وندعى
ونقول بكرة تحللى
يارب شيل عنا الغمه
وترجع العيشه تانى حلوه
ماكناش عارفين قيمتها
كله كان سارح فى حاله
اللى ياخد كل حاجه
واللى طمعان فى ايد غيرة
محدش كان بيحمد ربه
على النعمه اللى هو فيها
دلوقتى عرف قيمتها
ويتمنى ترجع بخيرها
وأمانها اللى كان كاسيها
لما داق الشوك بإيدة
فى السنه دى من أولها
كل مايفادى شكه
يرجع يغوص فى وحله
كله اتمرمط فى عيشته
العيون بتسيل دموعها
والقلوب شايله همومها
سنه غريبه سنه عجيبه
أن الآوان كله يرجع لضميره
والنوايا تبقى صافيه
هاتلاقى بكره يروق ويحلى
Ahmed gadallah
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.