الخميس : 2020/8/27
الساعه : 10.15صباحآ
♡ سعيد عبد القادر السيد ♡
( عاميه )
《 قلبي 》
قلبي يا بنتي عليكي
ايه بس اللي رجالك
بدعي ربي يشفيكي
ويعدل ليكي حالك
اللي جالك حبيبتي
ماكان على بالي ولا بالك
قلبي عليكي يا بنتي
ايه بس اللي جرالك
وحياة كل غالي
وحبيبك اه محمد
بنتي أشفيها لي
الشفا اه من عندك
يا رب أقبل دعائي
وحياة حبيبك محمد
قلبي عليكي يا بنتي
ايه بس اللي جرالك
بأسمك اه الأعظم
وكل اه أسمائك
أدعوك يا ربنا
أنت جل جلالك
ادعوني استجب لكم
ده لينا كلامك
قلبي عليكي يا بنتي
ايه بس اللي جرالك
لا قادر أجي واشوفك
قلبي بيتقطع عشانك
لا عيد عيدت عليكي
لكني حاسس بألامك
قلبي عليكي يا بنتي
ايه بس اللي جرالك
### قلبي
سعيد عبد القادر السيد
شاعر ال ش و ال ش
الشرابيه و الشرقية
القاهره / أبو حماد
كفر أبو نجم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.