ياسمينة ...ياسين مصطفى بكري...

*** ياسمينة حُلوة كثير شَرقية ***

قبالي حورية بالسَما بتِسبَح
شو هالحَلى لعيون لَوزية
النَظرة مِنها للقَلب تِجرَح
باقة وَرِد ازهار بَرية
نِزلَت عليه شَعِرها مسَرَح
وخدودها بالوان وردية
عرفَت بأني شاعر مسَلَح
بكتِب قَصائد غَزَل ثورية
لما حَكَتني القَلِب سَبَح
سبحان الله خَلَق جورية
سكنت بقلبي بدمي الاملح
وتقول زاكي بكل حنية
وصُرت فيها الصبح اتصَبَح
ياسمينة حلوة كثير شرقية
الياسمين عطره للقَلِب فَرَح
والعُطُر اعجوبة سماوية
.........
تحياتي...ياسين مصطفى بكري...