سامع اصوات بتقول حننتخبه
والعذرا والمسيح لنسانده
ده هو حماها ومين كده
صينها وحافظها وكل الخونه ضده
حتى الى نازل ضده بايده
😊
😊
_
واصوات بتقول ده تحصيل حاصل
ده من غير انتخابات اكيد واصل
هو فى حد يستجرى يكون فاعل
او ان الجو يستحمل طرح بدائل
او انهم يسمحوا بظهور مناضل
_
واصوات بتهمس وتقول ربك يولى الصالح
ومتخفوش على البلد ديه محفوظه ومصيرها الفلاح
ديه مذكور فى القران وكان فيها ياما مذابح
وبرغم كده قامت على رجلها يافالح
هى بس محتاجه زقه وبكره نفرح
_
وناس ساكته ومش حابة تتكلم
تشوفها وتكلمها تضحك وتبلم
ضحكه صفرة وكانها بتتهكم
ولسان حالهم بيقول بكرة نتعلم
وشعارهم وكلنى وشربنى وفكك يامعلم
#محمد عبده
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.