حكاية وطن
واحد وثلاثين سنه عجاف
شفنا فيها اللى مايتشاف
المصرى صبور عمره مايخاف
ثلاثين سنه عذاب وعدت
وسنه زادت وغطت
(الحكايه بدايه ونهايه)
خطة تمدد سكانى رأسيه
ياما راحت أراضى زراعيه
ومبانى عليت**وشقق غليت**وكبارى فوق كبارى**وشوارع تعانى**ولاحد دارى **بالوكسه ديه
الله يعين الحكومه ديه
تسد فتحه تلاقى ميه
(النتيجه)
من كتر الزحام ما بتطلعشي
شوارع بقيت***صفيحة طرشي
والخلق فيها***حلة كرنب محشى
تدخل بروحك ما تتطلعشي
ومجارى مفتوحه***علشان ما تتكتمشي
وبطانته عايشه***ما بتتحرمشي
ياخدوا منك***ولايعطوكشي
ودعم الدوله***ما يوصلشي
واحد وثلاثين سنه اتكتبوا
وما يحكمشي
ساب اللي يخطف
ولايتكلمشى
عدالة التوزيع راحت
وما رجعتشى
وسوق سوده عالغلبان
ما ترحمشى
وصحارى قريبه ليهم
وما دخلكشى
وخصخصه للبطانه
وما تتكلمشى
ومستشفيات خاصه والغلبان يا يدفع
يا ميدخلشى
كل شيء واقف
وسابوا الفيروسات تمشى
حتي المفتح في الغلابه
بقى يعشى
واّخر ما تعب الناس والغلابه
قالو له امشى
جه اللى بعده قال بالدين
هامشى
قسم البلد وجاب ناس
ما تفهمشى
ماشى فى مخطط ولمصر هو
ما يفهمشى
وكان المهم
بط وحمام محشى
غير الخيانه مع اللى
مايستهلشى
قالوا للتانى امشى
احنا هنجيب وكلامنا
يمشى
وفى يونيو جبنا اللى شال هموم
ماتتحملشى
الله يعينه على فساد وارهاب اللى مايتذكرشى
واحد وثلاثين سنه ومصر فيهم ماتسمحشى
**** محمد المنفلوطى ****
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.