طولها زى عرضها بقلم الشاعر / ياسر عبد الحميد

هذا عن الجفا و قسوه القلوب

و،، صله الارحام التي اصبحت

ذكريات،، في طي النسيان

👈👈تحياتي لمن يصلها 👌

🌵🌵🌵🌵🌵🌵🌵🌵

. (( طولها زى عرضها )) 

👌👌👌👌👌👌

⏪⏪👉⏩⏩⏩

كلمة .. ليكوا .. يا اللى بعتم

حطوها ... حلقة فى ودانكم

أنا .. زى ما انتم بعتوا .. بايع

مش هاكلم .. حد منكم

و بصراحة ... 👉👉👉

انتوا،، مالكوش ف السماحه

ما فيهاش كلام ..👌

و الغلط راكب دماغكم

و الأدب ... ناقصه علام

زى الدواب .. فى وسط سوق

سارحة وماشية لوحدها .. من غير لجام

ولا حد منكم ... عاوز يفوق

أصل الكلام ... محتاج لزوق

و المعاملة .. مش مجاملة

و ناس كتيرة ... بتتقهر

على وقت فات من عمرها

ماشافتش ... حد .. بجد .. يسأل عنها

من وقتها .. و هية قاعدة لوحدها

و كان نفسها .. تتمنى حد يحسها

مالاقيتش ... واحد منكم يفتكر

أصل الحكاية كلها .. على بعضها

سلف ... و دين .. و نقول لمين ؟؟؟

مين فينا يقدر يمسح .. دموع المجروحين

أخرتها ايه ... أخرتها باينة

أى واحد فينا بيفوت الحياة ..

بتودعوه .. و تجروا فى ثانية

و يشوف حياته التانية ... بطولها و عرضها

و يقابل .. اللى فاتوها قبله .. على أرضها

من غير نفاق .. ولا رياء .. ماهى هية دنيا فانيا

و أصلها .. كلها على بعضها.... طولها زى عرضها

ـــــــــــــــــــــــــــــــــــــ 

بقلم 📝 الشاعر / ياسر عبد الحميد