يا كل باب مفتوح
ع الفرح ... نادينى
و صاحبنى فين ما تروح
و امسح دموع عينى
دا انا قلبى بات مجروح
ما فى حد يداوينى
نفسى فى مرة ابوح
و بنفسى الاقينى
الاقينى مش خايف
و الدنيا سمعانى
و ابقى صحيح شايف
و الضحكة جمعانى
مش ديما تتطرحنى
م الحسبة .. فاعانى
و دموعى تخنقنى
و انا روحى منعانى
يا كل باب مفتوح
بالبسمة هات ايدك
طبطب على ضهرى
و اصدق ف مواعيدك
ياما اتحايلت عليك
دا انا بوست على ايدك
ارمى الشبك مرة
على قلب بيريدك
و انا هادعى من جوا
روح ربنا يزيدك
بالله ما تنسانى
حتى ف تنهيدك
#فهمى_على
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.