العيون الحيرانه
عبدالمنعم عدلى..مصر
مالك كده
وعيونك غامضة وحيرانه
والعرق عليك ينساب
كلك فكر
وكاتم فى الصدر
بوح وقول
وهنشيل معاك
إحنا كلنا واحد
وبنعبد رب واحد
مسيحى كان ولامسلم
البلد لينا والدين لله الواحد
قول وإتكلم
وتعال نفكر
إذاى نغلب
من غير قطرة دم واحدة
إحنا معاك كلنا وياك
حتى لو شاخ العمر
شبر الأرض فداه
دم والف دم
ياشايل كل الهم
شاركنا معاك
الحمل ثقيل
وإنت كبير
بس المساعدة عون
والعون من رب العون
قول وإتكلم
كلنا وياك
بقلمى عبدالمنعم عدلى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.