( نقطة طاحت )
شعر عارف شلش الساعدي
نقطة طاحت
وما بقى ذاك الضمير
ونور البوجهه
صفه
والعراق انباع وسفه
بحجة التحرير اجونه
محتل الماعنده رأفه
وللبلد جانه ولفه
والكان لص عدهم
اسير
وصار امير وماتحس
عنده عفه
منين اجته
الغيره هذي
والنصب والاحتيال
العنده حرفه
وهيه مهنه للي قاطع
كل طريق
وهسه التردوني
اوصفه والشعب
والشعب يحمل صفه
كان صدام واجه
المثله كثير
هواي شفنه وندري
الما بعد تصفه
وهذا كلها الي تعرفه
وكلمن اليعمله تيار
وحزب
ونام البسده اشوفنه
اوغفه
هالبلد منهوب أحس
والموت بيه
والنهب ثروته
بهااليوم الفه
الكل جواسيس الفتنه
كانو ابحظن الدول
وبحجة الجمرة الخبيثه
واسلحة ذاك الدمار
الطاغي اتسلط علينه
بهل عفه
ومن يمثلك ياعراق
الخير وينه
و اليحبك هاجر وعنك
جفه
نقطه طاحت
من الوجوه
وظاعت الطيبه اوراحت
ويه اهلها الغربو
حدر التراب امغلفه
وذاك ظل
من يلطم ينوح
عالمضى والي جرى
وعيونه راحت
وبس دموعه اليذرفه
وشوكت تصفى ياعراق
وماكو كل شهم البيك
الينقذك من محنتك
وجالك اليضمد الجراح
ويجعل
الجرحك شفه
نقطة طاحت ومابقى
ذاك الضمير
ونور البوجهه طفه
وظلمة صارت
والطيور اتهاجر
وتحمل صفه
وخطت أعلى اجناحها
لا للحروب ولادمار
انحب سلام
والتعايش بين كل
هاي البشر
وللعلم والمعرفه
نقطة طاحت
ومابقى ذاك الضمير
ونور البوجهه صفه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.