بقالك مدة.......... هشام إبراهيم علي

 ع الحال ده
ما بين العند ومناهدة
جرالك إيه ؟ مانيش عارفة
وليه الهجر ليك مدة
إمورك جد فيها جديد ..؟

زمان كنت ألمح الكلمة على لسانك
باين فيها كمان فرحك وأحزانك
وسامعة النبضة كات نغمة بالحانك
أوام إتبدلت لحوال .. ؟
لقيت أشياء كتير غابت
نسيت إسمي ؟ .. وغاب الحلو بلسانك
ساعات شارد ... وبتعاند
ساعات الغدر فى عيونك ووجدانك
تري إيه غير الأحوال ؟

عانيت من قسوة الدنيا بأعمالك
شقيت وشكيت لأحوالي وأحوالك
نسيت إن إحنا كنا احباب ... ؟
تسيبني ف حيرة وسط عذاب ؟!
تصدق إني باتمني
يعجل ربنا بفراق
عشان أرتاح م القسوة
ليمكن يتعدل حالك
ولا تعاند ... ولا تفضل كدة شارد
وعيش على راحتك ومزاجك
وأنا بقي .. ليَّ رب عظيم وكريم
.........................................
المهندسين فى 20/5/2020
غنائيات : بقالك مدة متغير
تأليف : هشام إبراهيم علي
الشهير : هشام علي
.......................................