مسحراتي
( ١١ ) ٢٠٢٠
اصحى يانايم ..وحد الدايم
وحد الرزاق ..رمضان كريم
اصحى ويلا صحى اللى نايم
قوله دا احنا ف شهر عظيم
شهر القرآن شهر الصيام
ولا يحلا الا بصلاة القيام
اصحى واقرأ كلام مولاك
صحصح معايا كل النيام
على صوت طبلتي صحي الولاد
قوم يااحمد ياعلى وانتى ياسعاد
ياسعيد يافيصل يادكتور علاء
صحوا القرايب وصحوا البعاد
اصحوا دا عدى تلته خلاص
واحنا لسه مافوقنا ياناس
اصحى يامحمد يامحمود ياسها
وصحوا معاكو عمكوا عباس
اصحى يانعسان احنا ف رمضان
اصحى اسحر ...ووحد الرحمان
رمضاااااااااان كريم
-----------------
بقلمي/ رمضان عبد الله احمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.