( الوداع الأخير )
بودعك يانور عيني الوداع الأخير وفراقك كسر ضهري
ياريتني كنت معاك هناك يا حبيبي كنت فديتك بعمري
ورويت تراب الوطن بدمي بدالك ياضنايا
ياحلم عمري اللي حلمت بيه يكبر ويكبر معاه املي ومنايا
مين من بعدك ياحبيبي هيحن عليا ويشيل همي
فراقك صعب عليا وهافضل عمري كله عليك ابكي
زفيتك للجنه وزفتك أحلي زفه لأحلي عريس
ياللي بشبابك وعمرك فديت الوطن علشان إحنا نعيش
شايلك علي كتفي بودعك وگإني شايل علي كتفي حرير وريش
شايف روحك بترفرف حواليا وبتقوللي افرح وما أبكيش
وبتمسح كمان دمعتي وبتحلفني بيك ياغالي
افرح بيك شهيد وانسي تعب السنين وسهر الليالي
مين ياعمري اللي هيداوي جرحي وينسيني كَسرتي
يارب صبرني علي فراقك ..مين اللي هينور بعدك دنيتي
بودعك الوداع الأخير وبودع معاك راحة بالي وفرحتي
حرمني منك ياغالي ندل وجبان وخاين حقير
باع نفسه للشيطان وصبح ع الوطن مسعور خطير
بكره يندم هو واللي اشتروه وخلوه خان الوطن وأذي ناس كتير
وبكره ابنك يكبر ويروح مكانك يكمل المشوار ويطهر الوطن
واللي خان الوطن عار ومهواش بشر وبكره لازم يدفع التمن
خواطر ( اشرف الدغيدي )
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.