اعزف
-------------------
عايزك تبقى عازف ماهر
وتعزف على وتري حنين
قلبي هيكون لك ساهر
بيداوي جوايا انين
الحانك يمكن تداويني
من حزن ياما ف لياليا
كلماتك يمكن تشجيني
وتهًون الدنيا عليا
عايز نغماتك همسات
تهمس لقلبي اللى حبك
تحكيله اجمل نبضات
وتقوله بارتاح في قربك
عزفك بيأثر فيًا
بينور جوايا شموع
عايز لحن يكون ليًا
مايجبش لعنيا دموع
اكتبلي نغماتك نوته
اعزفلك نغماتها ف يوم
واحكيلك اجمل حدودته
يمكن عزفك ليًا يدوم
لوسرحت روحي صحيني
باحساسك ياريت ترويني
من عطفك وسحر عيونك
من حبك ايوه بتشفيني
--------------
بقلمي / رمضان عبدالله أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.