معلش
_____
لم تيجى توقع تخربش
مكنتش تقصد كنت عاوز
تمسك
اي حاجه بس متقعشي
والمسكه جات في الوش
قلت له مكنش قصدي
...... معلش
قال وغدره باين مفيش
..... معلش
اصلها جرحتني ف الوش
وراح زاقك
عشان علي الارض توقع وحدك
والوقعه كسرت لك ضلوعك
علشان ينهي في موضوعك
راح قلك زيها.... دلوقتي معلش
اللي المفروض واقف جنبك
يبقى كدا واقف ولا عدو قاصدك
والمجامله في الاخر كانت
عشان يطيب خاطرك
ب... معلش
راح المكسور يجبس ضلوعه
سالوه ايه كسرك اتكسف
يقول
صاحبه
ولحمه
وحبيبه
راح كدب وقال اتزحلقت
ودمعته نزلت في الوقت
كله حوليه يضحك مبسوط
الا هو جواه صرخت موت
وهيعمل ايه غير يكتم الصوت
مش هوبس المصدوم من......
معلش
معلش مابقتش في مكانها
والطيب بس اللي نالها
اصل الاستاذ و الابله
بطلوا يربي عيالهم
عن قيم لابد في خطاوينا
عن اخلاق نعامل بعضينا
عن مبادئ تسكن روح فينا
والاسأءه بس اللي نطولها
والاحترام بنا مهدور
يحب الضلمه ويكره النور
تحت كلمة تتقال على طول
محدش يعرف امتى توقيتها
لما الوقت يجي ونقولها
ولو اتقالت اصبحت متتقدرش
و نسامح امتى لما تتقال كلمة
معلش
اصلها مش في كل وقت تتقال
.......مع....لش
_____
تحياتي
خالد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.