شيلى الغمامة
========
بلدى يا شابة حلوة ولسه خضرا منورة
شيلى الغمامة من على عيونك وفتحى
والكتاب الى أنكتب من عصر فات
قومى أقرأيه ومنه أتعلمى وأتنورى
هو كتاب مش أنكتب عشان يتقفل
ولا يكون على الرفوف محفوظ ويتركن
ده يندرس ويتفهم ويتحفظ
وعيونك الى مقفولة ومتغممة
ربك خلقها عشان تشوف وتكتشف
وتعرف الى أمامها
والى وراها والى أتعمل وبيتعمل
ورب الكون خلق الحواس متعددة
عشان لكل منها وظيفة وفائدة
لو عاوزة بجد تكتبى صفحة تاريخ صح وناصعة
ميكنش سمعك مصدرك من أفواة فاسدة مضللة
بتسحبك وتسيرك حسب ما تحب وتشتهى
عشان مصلحتها أنك متفتحيش وتفهمى
وتفضلى باقية فى ايد الى خاطفينك من زمن
وأنتى وراهم بتكتبى سطور كاذبة مضللة
ما انتى يا حلوة عيونك مغمضة متربطة
شيلى الغنامة وفتحى
وحطى ايدك فى ايد شباب يانعة
ليها عقول مفكرة متطورة
مش حاملة السلاح
وما تعرف غير الرصاصة القاتلة
وأكتبى سطور تاريخ متعدلة مترتبة
وطلعى منها اجمل تاريخ لدولة متطورة متقدمة.
بقلم |مها ندا.
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.