قالـــوا بتعشقكـ بتدمنكـ
وعلشانكـ باعت الدنيا كلها
وبتتمنى تكمل معاك حياتها
وتسكن قلبك باقي عمرها
قلت لهم وانا بتمنى امـــوت
واعيش كام دقيقه ف حضنها
دقيقه اشمها ودقيقه اضمها
ودقيقه اتنفسها ودقيقه اجرى فدمها
ودقيقه اخطف شفيفها انسيها اسمها
بعدها اموت شهيد بعدها اعيش فقيد
المهم تكون نهايتي غريق فبحر عشقها
معتقل بين ضلوعها سجين نبضها
مين قال اني اقدر استغني عنها
مين قال انى اقدر اتحمل بعدها
انا مغــرم بيها من اظافرها لشعرها
وان قلت اقل من كدا ابقي ظلمتها
دا مفيش كلام ف الكون يوفيها حقها
معاش اللى يزعلها معاش اللي يهزها
معاش اللي ينيمها ودموعها علي خدها
بقلمى// صابر الطوخى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.