معجــون بالكـــدب
ــــــــــــــــــــــــــــ
قلبك لو خاين مش ذنبـــــــي
معجون بالكدب ومتربــــــي
تخدع فـ الناس اللي تحبــــك
لابس كام وش ومتخبـــــــي
معجون بالكدب وعلى كيفك
تدبحني واسنلك سيفـــــــــك
يتبدل حبك في مواســــــــم
وفـ عز الشتا بلاقيه صيفـك
استاذ ورئيس قسم فـ غدرك
متلوع قلبي عشان خاطـرك
مش قادر عنك يتكلــــــــــم
ولا قادر ميجبش فـ سيرتـك
قلبك لو مظبوط ع الساعــة
محتاج كل دقيقة اشاعــــــة
وملهش علاج يبقى تبيعـــه
فـ مزاد علني ومع الباعـــة
بقلمي
احمد عبدالله الاسيوطي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.