ارض بلادي بدها رجال
حره تحمي روابيها
مش راح تتحرر ما زال
حاميها حراميها
=
وحياة الرب المعبود
وطه نبينا الهادي
ما بتحرر ما بتعود
ارضك يا شعب بلادي
حتى تتكسر لقيود
وتتغير هالقياده
اوعى تامن بالوعود
الكذابه واهاليها
=
يا شعب بلادي المظلوم
لا تستسلم للظلام
بكفيك الاغراب تلوم
وتبقى عايش بالاةهام
بوحدة صفك يا منظوم
وقلع جذور الانقسام
ومن هالقياده عموم
راس الخيانه امحيها
=
لا تستسلم للتهجير
خليك بارضك مزروع
حتى تقرير المصير
تا يبقى راسك مرفوع
وتحقق حلم التحرير
قاوم واحسم للموضوع
بدرب التفاوض لا تسير
بتحقق امانيها
=== محمود شبيب ===
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.