حكاوينا بالعربي. بقلمي
*******
بهمس في ودنها بحبك يا بت
ردت..طيب لا شوفت ولا سمعت منك كلام
رديت.. انا بكل لغات العالم حكيتها وبحروفو
قولتها لما دق قلبي وحسيتها
كتبتها علي تراب القمر ساعه خسوفو
رجع القمر بدر ابيض تتمني تشوفو
****************
كل ده علشانك
اومال لو شاقة قليبي وهو بينده عليكي
ووشه مخطوف من شوقو ليكي
كل حته يا ليلي بتناديكي
**********٠
أنا الحبيب والصديق انا الطريق والصحبه
انا اللقي ما أعرف في يوم فرقه
انا الحب اللي ما يعرف يوم يغيب
انا الحب القريب اللي عمره ما كان عنك غريب
**************
تفتكري يا زينه البنات
تفتكري يوم ما همستلك بحبك من سكات
كان قلبي بيدق ك الساعه
وصوتو مرعوش من الخوف
خايف ما يلاقي في قلبك صدي
ولما ابتسمتي دق الأمل بابي
وكأني ما شوفت يوم خوف
****************٠•••
علي اديكي يا حبيبه عشت الحب بمعانيه
كتبت شعر ومواويل
سهرت الليل اغنيه
ولا لغيرك دق القلب وعندي الف الف دليل
دمعتي ورعشه صوتي
وغناويا يا عين يا ليل
**************٠••
كل اللي اعرفتهم كانوا ليل
شمس شتا باهته عيون بلا دموع
غابوا من غير رجوع
إلا أنت
استنيتك تعود
انت سنيني وعمري الممدود
انت ايامي وشهوري
شتايا وربيعي
فرحه شبابي وحنيني
انت شبتي وصبايا
صباحي ومسايا
انت تاجي فوق راسي
أنا اللي كتبتك ليلاااتي وسلطانه
علي جبيني قبل كراسي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.