وبعدين معاك
عبدالمنعم عدلى..مصر
وبعدين معاك يازمن
شايل معاك إيه
سنين مرت
من عمرى
وأنا صابر عليك
أخذت منى
الضحكة الحلوة
ونستنى حتى الإبتسامة
فاضل فيك إيه
هات اللى
عندك يازمن
وفضى جراب
الأيام بسرعة
فات اللى فات
ومات اللى مات
ومابقى إلا الأهات
واقف بتضحك ساعات
وبتبكينى سنين وساعات
عملت فيك إيه
شيلتنى الهم
من صغر السن
وأنا لسه
صابر عليك
إبعد بعيد حبة
وخلينى أعيش
يوم سعيد
وما يرحل
الصبر عنى بعيد
بقلمى عبدالمنعم عدلى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.