.... أول عمرنا.....
وتايهة مني ضحكاية
كانت هنا في حكاية
تطل بنظرة ف عينيكي
وألقي الحلم ف مرايا
.....
وأطل بعيني علي نفسي
ألقي عينيكي تقول نفسي
أصبح علي قلبك وأمسي
وتعيش العمر حب ويايا
.....
أنا بعيدة لكن جنبك
حكاية لسة هنا ف قلبك
ماشية ويا سنين عمرك
صعب تلقي لها نهاية
.......
أصبر يمكن لقانا يقرب
مهما راح نبعد ونتغرب
من كاس اللقا راح نشرب
وأبقي معاك وتبقي معايا
.......
ذكريات وكانت هنا بيننا
حكاية صعب تبقي لغيرنا
وإحنا مهما كبرنا وإتغيرنا
ما يطيب الجرح إلا بدوايا
.......
يتغير كل إللي كان لينا
وسنين العمر تعلم فينا
ونكبر ويبان الشيب علينا
وضحكتنا طفلة بلا نهاية
......
مين قال إنك تتوه مننا
د أنت روح ساكنة قلبنا
ياأول حب عشناه وكان لنا
نكبر ولسة أنت في البداية
......
أيمن بلال
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.