مش ممكن حتكوني
-----------------
بقلم - عادل عمران
-----------------
جايز مرّة تكوني
ذكرى تمرً ف أيامي
ممكن مرّة تطوفي
جوّه مداين أحلامي
يصرخ حرف شفايفك
إنك مظلومة
وتأن الآه في ضلوعك
لكن مكتومه
تنطلق الكلمة وتتذلل
مش مفهومه
وتدّق إيديكي على بابي
... تستجدي كلامي
جايز مرّة تكوني
ذكرى تمرً ف أيامي
ممكن مرّة تطوفي
جوّه مداين أحلامي
لكن مش ممكن حتكوني
مرسى سفينتي من تاني
ولا أقبل تاني وجودك
في ملامحي ولا جوّه كياني
وأفكّر فيكي ضميرك
لمّا ماكانش ضمير
وحصاني مركون على بابك
ولا كان له مصير
سهران الليل على باب قصرك
... يحضني ضلامي
جايز مرّة تكوني
ذكرى تمرً ف أيامي
ممكن مرّة تطوفي
جوّه مداين أحلامي
لكن أنا باحلف بماضيكي
والغد المتشجّر في واديكي
لازم اتوّه خطاويكي
وأكسر كفك
... لو اتمدّت لسلامي
جايز مرّه تكوني
ذكرى تمرّ ف أيامي
لكن مش ممكن حتكوني
حلم يداعب أحلامي
***
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.