وهـلّ الـصـبــح فـ عـيــونـي
ـــــــــــــــــــــــــــــــــــــــــــــ
وهلّ الصبح فـ عيونى
بكيت انا من فرحتى
الصبح جاب لي هديته
رجع لى عمرى ودنيتى
رجع حبيب العمر كان
غايب عليّ من زمان
القلب داب - سهد وعذاب
سهر الليالى هدّنى
دا حبيبى كان بيودنى
ليه الزمان أخدنى جوه الامتحان ؟
وحبيبى غاب ساب لي العذاب
من يوم ماغاب
والفرحه نسيت عشنا
سابنا وغاب ..
والاغتراب دا كان عذاب
أنا كنت بافتكر اللى كان
لما كنا ف عش حب
جوه أنفاس الريحان
كل الزهور كانت تغير من حبنا
بستان فرحنا كان تملّى يضمنا
كل الورود كانت تقول يابختنا !!
كان الوفا ويااّ الدفا
ومعاها نسمه مهفهفه
كانت تطير فوق عشنا
وجه الفراق ، والحب غاب
والغربه كانت بختنا
فاتت سنين متعذبين
شوق وحنين ..
متلهفين نرجع لسابق عهدنا
كان النهار - فـ بُعده نار
والليل بيسهر جنبنا
فاتت سنين لوعه وأنين
متغربين والفرحه هجرت دربنا
وف يوم جميل من غير معاد
رجع الأصيل جه عندنا
من يومها واحنا فرحانين
غاب الأنين ـ ضحك الزمان
ورجع الحنين ونهارنا اصبح سوسنه
ماخلاص ياناس نلنا المنى
ورجعنا تانى لعشنا .
ـــــــــــــــــــــــــــــــــــــــــــــــ
ليالي أحمد الأسعد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.