قصيدة عامية / ما يجري الآن ...
-------------------------------
بقلم / عادل عمران
-----------------
لحظة ما حبيبك مات على بحر الأحزان
أنا قلت البحر ده مش بحرك
أنا قلت انكسر الفارس قبل ما يبدأ
أنا قلت البحر قبل يقبل ألف غريق
غنت عصفورة حزينة على الشجرة
إنكسرت شجرتها ف يد الريح
وجريح بينادي لجريح
ده فراقك زهر جرحي الخوًان
لحظة ما حبيبك مات على بحر الأحزان
مش خايفة شفايفي حروف الموت
ولا خايفة عيوني لون الموت
لكن دمي في عروقي أصبح ضلمة
بتشاور على شمس انتحرت في الأحزان
لحظة ما حبيبك مات على شط الأحزان
ورسمتك تاني من أول وجديد
واستحضرتك صورة جوًه عيوني
من غير ما تمدي إيديكي إيدي ..
… زي زمان
ومشيت دوًرت عليكي لكين مالقيتش العنوان
لحظة ما حبيبك مات على شط النسيان
والبحر صرخ : غرقان .. غرقان .. غرقان
ما يجري الآن …
أحسبه من سخط القدر علينا
فالناس انشغلوا بأمور الدنيا
وتناسوا حب الرب والأوطان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.