( بعد إيه )
كلموني تاني عنه جننوني...
فكروني بحبه تاني عذبوني...
بيشككوا في خيانته ليا...
وبعد عمر ي إلي ضاع بيسألوني..
لسه جاي طالب إيديا...
هوه فين حبيبي ده من زمان ..
إلي إديته عمري كله والحنان..
وخبيته جوه قلبي وف عيوني...
ومع أول إختبار باعني وخان...
لسه جايين تسألوني..
هوه لسه فيه حب النهارة بتكلموني..
ليه ترجعوا الحزن لشفايفي ولجفوني...
وبتقيدوا نار الشوق بين ضلوعي....
وتولعوا بصدري الآهات وبشجوني...
طالبين رجوعي....
هوه لسه عنده قلب ولا إحساس كمان...
هوه مش كسر قلبي وكسب الرهان...
ممكن أرجع يعني للي باعني بأرخص تمن..
إلي قتل جوايا كل إحساس محبةوحنان..
ليه يازمن...
هوه فاكره عنده لسه روح تحب...
ولا فاكر لسه عنده ف صدره قلب...
جاي ندمان يقول ياناس إرحموني..
ولا فاكر جرحه ليا لقيتله طب...
هتجننوني...
يا خسارة على زمن مهوش زماني..
وحبيب أديته عمري وراح رماني...
وباع حبي بلحظة وراح رماه...
من غير كلمة وداع حرق الأماني...
وأنتم معاه...
النهارة بتشككوا ف حكمي عليه...
وبتقولولي دا إتظلم وأرجع إليه...
بعد ما أخلصت حبه أعمل إيه...
طب بعد إيه ... بعد إيه... بعد إيه..
""""""""""""""""""""""""""
آرق تحياتي
مجدي عزت
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.