بلغوها __بقلم شحات خلف الله___

 الى مجهولة الأسم والكيان فى فهمهم .....

كنت أكتب وأرسم ....
وازرع وأحفر حُروفى الْـحَانْ.....
النّـاس تقول ده عاشق ولهان ....
وعشقه مسهره ليل ونهار ...
غَـزلتْ العشق على جيدكْ ....
ونَقَشْتْ الحناء علّى وريِـدكْ ....
خَـلّيت العالـم ....
تتمنى ودّك ولمسة إيدك ...
ده حتى قالوا عنى ...
ده خلاص بقى فيها مجنون ...
وشاعر من الغاوين....
زى ما قال الكريم ...
وما أكثر الحاسدين...
يا درة تاج الممالك وزينة الثَـقلين ....
تصدقى حتى بيحسدونى.....
على حبى ليكى ....
وخوفى عليكى ...
بيقولوا ده يمكن بيبالغ......
لأنه فاكر نفسه شاعر من الشُعَار ....
بيعرف يرسم بحروفه صورة للكمال ....
مش عارفين يا مجهوله ليهم ْ....
إنك تستحقى......
بدل الديوان ألف ألف ديوان ....
بس أنا وأثق وفاهم.....
أن سحرك جنّن العالم ....
وخلاكى رغماً عنهم .....
سيدة الأقطار .....
هزمتى تتار وصليبين ...
وصهاينه وولادك رِجَـال ....
صحيح فيهم فجار وتُجَار ...
وكثير عيال حرام .....
همهم جيبوبهم ..
يدخل فيها كام .....
بغض النظر عن الغلبان ...
وناس محتاجه اعادة تقويم ...
وترميم بُـنيان ....
بس حُضنك الدافي لحظة الجد ......
هيشعل فيهم أحلى الخصال ....
هينسوا غلط فلان وعلّان ...
وهيقولوا الله اكبر......
زى يوم ما عبرنا القنال ...
كل عام وإنت الحُب.....
يا زينة الأقطار ....
يا دُرَةْ تاجى......
وتاج كل العالم ......
بَـلـِغوهـا وفهموهم إنها .....
مهما كانتِْ ضٍَـعيفة ....
وضاق بيها الحال ......
هتفضل عشيقتى ليل ونهار .....