بعد الحبيب حراق بقلم الرائع فهمي علي
** بعد الحبيب حراق **
يا بكره يا مسافر
فى العمر و معافر
اوعى تكون كافر
بالعشق و العشاق
دا العشق شئ مكتوب
مش كيف ما قالو ذنوب
و ان كان بمش هنتوب
و هاعيش كدا مشتاق
هادعى انا ربى
اللى جعل قلبى
لهواها بيلبى
ما يكون ما بينا فراق
يا بكره خايف ليه
و عايزنى اقولك ايه
سرى اللى انا باخفيه
بعد الحبيب حراق
البعد ... ناره شين
تحرق قلوب عاشقين
ف الليل بيبقى انين
و نهاره ما ينطاق
سافر يا بكره و روح
و ارجع بروح الروح
داوى عليل مجروح
م الشوق براحه ضاق
بقلمى : فهمي علي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.