عادل جاد
مستنى ... أيه
*******
البشر مستنى أيه
الموت بيرفرف حواليه
بيشوفه يوميا بعينيه
بيشيله على كتفه وأيديه
البشر إللى فيه فيه
أمتى يعمل اللى عليه
له رب يرجع إليه
حياتنا أزمة فى أزمة
الدنيا مالهاش لازمة
مفيدة عنها الجزمة
بغرورها ليك عزمة
الدنيا محدش أديها
دمعها ما سال على خدها
دى ملكوت لوحدها
ربك إللى يقدر يهدها
الأيام شكل بعضها
الإنسان إللى فى تغيير
متعشم بس ف الغير
ماشى ورا هواه ديل
الطمع ملو العين
القلب تملى حزين
الهم جواه دين
ناسى يوم الدين
مفيش بحياته شئ زين
البشر ف الدنيا تاه
موش عارف يحقق مناه
ده عشان بعد عن الله
إللى نسى الله نساه
إللى ربه بيحبه أبتلاه
********
بقلم
عادل جاد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.