(المسحراتي) كلمات /صبري حسين
( ١٢)
مسحراتي
وبمشي زي مارجلي تحب
بلاقي من الكل كل ترحاب وحب
كنت ماشي زي عادتي ليلاتي
وقفني طفل صغير
بيجري زي العصفور
وشه كله نور
وقال ممكن ياعمو
اسئلك سؤال
دايما شاغل لي البال
نفسي يا عمو
الاقي له جواب يدخل القلب قبل العقل
موش مجرد كلام ببتردد ويتقال
ياعمو يعني ايه مصر
يا ابني مصر
صعب نختصر معناها وقيمتها ومكانتها
في شوية كلام
مصر ياابني بأهلها
مصر
يعني الوطن
هي السكن
هي الامان
مجرد نطق اسمها تحس بالاطمئنان
مصر
هي الحضن
هي الامل
مصر يا ابني
من قديم الازل
حلم يوسف عليه السلام
دعوة ابراهيم ابو الانبياء
كليم الله نادي ربه تكلم معاه في طور سيناء
مصر رحلة المسيح وامه مريم العذراء
من مصر مارية زوجة خاتم الانبياء
مصر
اصل الحضارة
مصر
نيلها بيجري حب وحنان
مصر
موش مجرد وطن
مصر اقباط ومسلمين
طول عمرهم اخوات متحدين
عايشين في امان مسالمين
مصر جرس واذان
مصر ام الفنون
خرج منها أعظم من جود ورتل القرآن
مصر ياابني
مهد الاديان
نور الايمان
مصر
هي من علمة الإنسان
مصر
هى من عرفت قبل الكل التوحيد
عرفت ان بعد الموت في بعث جديد
ايام اخناتون من زمان بعيد
مصر
موش مجردوطن نعيش فيه
مصر عايشة جوانا
نفديها بروحنا ودمانا
مصر
محفوظة علي مر الازمان
سبحانه ذكرها في القرأن
ادخلوا مصر امنين
مصر
ياابني
ام الدنيا
خزائن الارض
عارف يا ابني
لولا لم أكن مصري
لوددت ان اكون مصري
مهما نقاسي ونعاني
اول ماتنادي
الكل في نفس واحد تحت امرك يا بلادي
بلادي يابلادي
لك حبي وفؤادي
عارف يا ابني
لو فضلت طول عمري
اوصف واتكلم عن ام الدنيا
محتاج عمر علي عمري
لا يمكن يكفي
مصر دي عشقي
مسحراتي
بفتخر بحب بلادي
كل عام وانتم طيبين
رمضان كريم
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.