( گان املي تحس بيا )
إنساه ياقلبي وانسي غرامه وهواه
وكفايه عليا عذاب شوفته سنين وياه
يمكن يصبرني صبري وذكرياتي معاه
وانسي حيرتي وظلم قلبي اللي ياما اتمناه
ورغم أنه صعب عليا ابعد عنك وانساك
وهيفضل معذبني حبك وغرامك وهواك
هحاول أنسي غصب عني وعن قلبي حلم اتمنيته زمان
ماانا ياما قولتلك قرب مني ياحبيبي بلاش تخسرني
ازاي أحبك الحب ده كله وانت تعذبني وتضيعيني
وخاصمت قلبي علشانك من كتر ظلمك ليا وقسوتك عليا
ليه أحبك وانت تهجرني وتعذب فيا
ياما كنت اتمني رضاك وييجي يوم وتحس بيا
والقاك تحرمني منك وتبكيني في عز احتياجي ليك يانور عينيا
ومن غير أسباب رغم حنيني اليك نسيت ودك ليا
ورغم العذاب اللي شوفته معاك فضلت سنين متحملاك
وياما ارتضيت بظلمك ليا وكان أصعب منه عليا جفاك
ياما شكيت من صدك وبعدك وف حبك كنت مخلصالك
ومن غير ما اعاتبك ياما جيت علي نفسي وكنت أسامح
وتبقي غلطان فيا واجري عليك أكلمك واصالح
لكن هجرك وظلمك خلاني اتمنيت أنسي حتي عمري اللي راح
كان حلمي ترجعلي في يوم وحبك يداوي الجراح
ونبتدئ حكاية حبنا وننسي اللي راح ونعيش سوا في افراح
وكان أملي تحس بيا وتحافظ علي هوايا
وگان صعب عليا تبقي قاسي وناسيني وانت ساكن جوايا
و مش فارقه معاك يآحبيبي بكايا وأنيني
كنت بابقي مشتقالك وأقيد شموعي ومش قادره اخبي شوقي وحنيني
والقاك تهجرني وتزيد فيا عذابي وحرماني ولهيبي
ويفوت عليا يوم في بعدك ارجع أحن ليك تاني واشتقلك
وانت ياقاسي قاسي و بتزيد في عِنّْدكّْ
ومن كتر قسوة قلبك وجرح هجرك
كان قراري غصب عني لعزة نفسي لازم ابعد عنك
ومهما كان الندم ع اللي عملته فيا عمري تاني ما ارجعلك
وهنسي سهدي ووجدي وسهر الليالي وانشغال بالي
ومهما حاولت تقرب مني تأتي مش هفكر فيك يا أناني
وهدوس علي قلبي لو في يوم حس بيك أو حنلك
ماكفايه العذاب اللي اتعذبته في حبك و اتحملته
وكفايه المرار اللي في هجرك ليالي شربته
ومهما كان صعب عليا حرماني منك
مهما عانيت وبكيت من قسوة بعدك
هنساك وهنسي صورتك وكمان طيفك
وهاعيش اللي باقي في حياتي من غيرك
والقلب اللي انت ظلمته وجرحته
بكره يرضي عليه الزمان ويبعتله اللي يداويه
ويحس بيا ويصبر قلبي وعلي حاله يواسيه
ويطفي النار اللي من زمان فضلت قائده فيا وفيه
خواطر ( اشرف الدغيدي )
حقوق الملكيه محفوظه
حقوق الملكيه محفوظه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.