ارحل............. #خالدعبدالمعطى

ارحل يا سيسي كفايه امان
ارحل يا سيسي كفايه عمار..
..
وحشونا اللى باعوا الاوطان
و ميدانا وحشوه الثوار..
..
صوت الرصاص و لون الاكفان
رسم الشتايم ع الأسوار..
..
كام جمعه عدوا بدون اضراب
بالذمه ده اسمه استهتار..
..
فين الغضب فينك يا خراب
فين المولوتوف فين الاحجار..
..
فين صوتكم الجعجاع يا شباب
فين الفتونه فين ضرب النار..
..
ولادنا بقوا يمشوا فى امان
و ليلنا صبح و كأنه نهار..
..
و الخوف خساره كأنه ماكان
و دى تبقى عيشه بدون إخطار..
..
ارحل يا سيسي كفايه امان
ارحل يا سيسي كفايه عمار..
..
كنا اعترضنا على الدستور
و بنعترض على تغييروه..
..
غاويين ظلام و نشوف النور
نقول هاتولنا نور غيروه..
..
احلامنا ساكنه الارض البور
و يغور خضاركوا و تاثيروا..
..
و لا يوم من ايامك يا شرور
فين رابعه فين فين ماسبيروا..
..
راح فين زمان الاعتصامات
و جمال غنانا و هتافنا..
..
و بكانا لو كان واحد مات
و شيل السلاح على كتافنا..
..
راح الزمان الحلو و فات
و صبحنا محدش يعرفنا..
..
اخوانا صبحوا كما الاموات
و فى ٦ ابريل الدفنه..
..
و النور غرق و يا الدستور
و الوطنى يبكى لو شافنا..
..
لينا مده صيفنا ما بان له بيان
و لا فى شتانا افافنا..
..
ولا عملنا فى ليلنا لجان
و وقفنا فى طابورك يا سولار..

ارحل يا سيسي كفايه امان
ارحل يا سيسي كفايه عمار..
..
ارحل بقولها باسم كتير
م المنتفعين و الحراميه..
..
و ناس كتير كانوا مشاهير
سلطاتهم صبحت ملغيه..
..
و باسم شلة الدبابير
ضحايا الرقابه الاداريه..
..
و باسم أكلة حق الغير
من قوت و مساكن ادميه..
..
ارحل باسم دومه و حمدين
و قطر و الدوله التركيه..
..
ارحل كفايه سداد فى الدين
و انقلاب ع التبعيه..
..
ارحل لأنك كنت امين
وحشتنا مشكلة الميه..
..
ارحل يا سيسي الصعب اهو لان
طعمك وحش اوى يا استقرار..
..
ارحل يا سيسي كفايه امان
ارحل يا سيسي كفايه عمار..
..

لينا كام سنه ما شوفنا طابور
ع العيش لكى وحشه يا طوابير..
..
و حشتنا سكينتك يا عاشور
دى الضلمه برضوا لها تأثير..
..
زهقت عيونا من ده النور
بلا شغل بلا ذمه و ضمير..
..
ارحل و رجع ارضنا بور
و كفايه شغل كامل يا وزير..
..
ارحل باسم جميع الانفاق
اللى انت هديتها على الشر..
..
ارحل من بعد وطنا ما فاق
و خد مكانه بحر و بر..
..
ارحل كفايه سلام و وفاق
رجعنا تاني لكر و فر..
..
ارحل يا سيسي و سيب جيشنا
بالقوه يعنى هنعمل ايه..
..
هنموت اكيد مهما عشنا
يبقى فى بكره. نفكر ليه..
..
يكفى العيال ياكلوا فى عشنا
ما فى شى تانى نبكى عليه.
..
ارحل خلاص جبتلنا جنان
و العقل منك طق وطار..
..
ارحل يا سيسي كفايه امان
ارحل يا سيسي كفايه عمار..
..
#خالدعبدالمعطى