غريب ... ف عيد الدباديب
--------------------------
حبة شباب فرافير ماشيين كده شــلة
شافوا عمي غريب بيـروي ف الغلة
قالوا دا راجـل طيب وفرصة نتسلي
شافهم جايين عليه قام يرحب بـــيهم
سالوه كـده سـؤال والمكر في عنيهم
- بكره عيد الحب
قولنا ياعــــم غريـــب
حتجيب لمراتك أيه ؟؟
قلوب ولا دباديــب ؟؟
ههههههههههههههه
**
بطيبة وعفــــوية قام رد علـــيهم
- عيد حب أيه ؟ ومنـين أجيب ؟
دا حتـى الكــلام ده حــدانا عيب
مالنا إحنــا ومـال الدبـاديــب !!
**
- يعنــي مبتحبش مراتـــك ؟؟
**
- وكيف محبــهاش ؟!
وهي الحيـاة مـن غـيرها تتعاش !
دي هــي سنـدي وهــي سـتري
وهـــــي أمـــي وهـــــي بنـــتي
ومــن غــيرها اللقمة متحـلاش
كــيف محبــهاش ؟!
**
نــــوارة داري وأم عيـــــــالـــي
وسندي ف غيطي وأيدها بإيـدي
وعنــــها أبـــدا مستغــــناش
كــيف محبــهاش ؟!
**
كلامـــها بيطـــيب جـــرحـي
ونظــرتها بتــزود فـــــرحـي
فاهماني وراعـية مصـــالحي
ورافـعة راســي بين الناس
كــيف محبــهاش ؟!
**
كلام الحب انـيِ مـش عــارفه
لكن أنــتوا عـــني تخــــتلفــوا
بتـفــتكروا بعــض وتحـتفلــوا
لكن كــل اللــي اني عـارفــوا
إني أنسى روحي ولا أنسهاش
كــيف محبــهاش ؟!
**
لكن تقـولولي قلــوب ودبـاديــب
دا حتـى الكــلام ده حــدانا عيب
**
قالولوا غلبتنا يا عم غريب
دا كلامك الحب بعـــــينه
دا إحنا يا بتوع الدباديب
ما نعرف حـتى نقــــوله
ولا زيك كده عايشــينوا
ولا كنا كــــده فاهمـينوا
*******
بقلمي
إسماعيل الطواب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.