( فارد جناحك ليه ؟ ) :
فارد جناحك ليه ياللي انت مش شاري
بخيل في بحر الهوى والحب بتداري
لو انت مش قد الهوى لم جناحاتك يا واد
دا هوانا طبعه الكرم وفيض عطاه جاري
فارد جناحك ليه خليك على قدك
فاكر هنجري عليك ونشتهي ودك
كل حساباتك غلط احسبها بالمعقول
يا واد عيارك فلت حاسب على مهلك
فارد جناحك ليه صحصح ياعم وفوق
خليك معانا ع الأرض بلاش تبص لفوق
الحب مش منظره ولا شكل ووجاهة
الحب ود وعطا .. الحب فن وذوق
بقلمي الشاعر جمال زكي عينر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.