رسايل مخفيه
الرسالة الخامسة والعشرون
==================
محبوبتي
بعد السلام والاحترام
وعشق قلب ضاع وعايش
علي ذكره عدت والسلام
مهما تقول الناس دا طايش
ولا عمره هيأثر كلام
وحشتيني
وحشني كل شيء فيكي
كلامك حتي تفاصيلك
وحشني بإني أشكيلك
وافضفض وجعي واحكيلك
واقولك إني انا بعدك
كما التايه كما الأغراب
ولو قولت إن انا بعتك
كانت صدمه لوجع كداب
عشان اهرب من وجع جاني
أكون كاره لكل حياتي والأصحاب
انا اسف
علي حالي الي مش حالي
علي حلم إننا راجعين
وإن انتي اللي بقيالي
ودا حالي
ويا حالي
أنا الحلم اللي ماكملشي
مابين دنيا وكرهاني
وحتي قلبي مافرحشي
ومن بعدك مافيش تاني
مافيش حد هايفهمني
ولا يعوضني حرماني
يعوض روح راحت مني
وسيباني في أحزاني
انا أسف
علي عتابي وعلي زعلي
وفرقة اغلي أحبابي
وليه سيبتك كدا ضعيتي
وعشت الحزن بعذابي
مادا المكتوب
مادا المكتوب ومتقدر
علي جبيني وانا مغلوب
انا اللي في غربتي بصبر
علي حالي لكن مغصوب
ماهو انتي حته جوايا
لكن موجوده مع غيري
ولو كانت كدا نهاية
أنا هكتمها في ضميري
وهخفي سري وهوايا
لأغلي الناس ومش ليا
لكن في حاجه جوايا
رسايل ليكي مخفيه
مابين قدري اني ماهشوفك
ولا انتي بقيتي علشاني
لكن هي كدا ظروفك
وقدري هتبقي وحشاني
وحشاني
===••=========
✍️احمد طلبه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.