(ياليت اقدر) كلمات /صبري حسين
بنتعاب انا وهي
عتاب القلب للقلب
بصت عليا وقالت
من اول كلمة نطقها لسانك
انا فهماك
انا حساك
انا شايفة كل كلامك
قريت كل اللي بين السطور
حتي كلامك المبتور
شيفاك وانت بتكتب وبتغير
عارفة انك متحير
وعن وصف حالك مش قادر
انا حاسة
انا فاهمة
لكن مكتوب عليا اكون ساكتة
وعن الرد مش قادرة
عارف
ياليت اقدر اتكلم
وعن اللي جوايا اقدر ابوح
انا قلبي طير مدبوح
وقبل قتله قصو منه الجناح
انا نفسي تعود ليا الروح
واقدر ارجع اجري في البراح
نفسي من عذابي ارتاح
نفسي احلق في السما العاليه
واعيش حياة هادية
انا عيني لكل شيء شايفة
لكني مش قادرة
علي التعبير
عايزة اتغير
نفسي اتكلم بلا خوف
انا محتاجة لكل كلمة حب
محتاجة اعيش
طول عمري عايشة علي الهامش
بعمل لكل شيء حساب
دايما قافلة علي نفسي الف باب
بيني وبين نفسي حجاب
انا نفسي زرع فرحي يطرح
وتبعد عني احزاني
نفسي الاقي دوا لجروحي
بقيت بخاف من كل شيء
الخوف سكن كل اركاني
الحزن خنق قلبي
انا بدور علي الخلاص
نفسي اقابل الاخلاص
عايزة اقولك
حسيت بصدق حروفك
خوفك عليا بان في عنيك
نفسي اقدر افتح لك الباب
واحط ايدي في ايدك
نفسي استخبي في حضنك
انا محتاجة لحنانك
عايزة اعيش الامان
نفسي تنقذني من الاحزان
انا وانت نوصل لبر الامان
انا ساكتة
لكن علي سكوتي مش راضية
ولا قادرة
علي اللي جوايا ابوح
انا جوايا مليون بركان
انا عشقت الاحزان
حتي الاحلام مخصماني
ولا بعرف غير الكوابيس
انا نفسي
ارجع تاني لنفسي
انا عايزة اعيش عمري
عمري اللي انسرق مني
عايزة اعرف طعم الفرحة
والنبض يرجع تاني لقلبي
اوعي في يوم تزعل مني
غصب عني
انا بقولك تاني
حاسة بصدق احساسك
شايفة لمعة عيونك
رعشة شفايفك
وانت بتمتم بااسمي
انا يا عمري محتاجة لك
اكتر من احتياجي لنفسي
لكن غصب عني
انا نفسي عليك اجري
واضمك بقوة لحضني
واقولك كل اللي جوايا
اقولك انت كل هنايا
انت كل ماليا
انت كل الدنيا
ساعات كتيرة بتمني
وخيالي فيك يسرح
اعيش الفرح
في خيالي
لكن بسرعة
افوق لنفسي
وارجع تاني لحزني
صدقني
غصب عني
انا حاسة
انا فاهمة
لكن اعمل ايه في بختي
الدنيا دايما معنداني
مش عايزة تصالحني
نفسي افك عقدة لساني
واخرج كل اللي جوابا
نفسي اقدر اتكلم
نفسي اقدر اتكلم
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.