اللي حبه قلبي
واد فيه كل العبر
واد حلنجي
لبسه كله مشجر
ليل نهار فى الحارة يعدي
سكران ومصرصر
دايما عالغلابه ييجي
وعيونه كلها شر
نفسي أصرح له بحبي
وأعلمه معني السهر
يسهر يتخيل ملامحي
ويشكي شوقه للقمر
ينسي أنه كان شوارعي
ويساعد كل البشر
يشتغل شغله شريفه
ويندم عللي منه بدر
والصلاح يبان فى ملامحه
واللي فات ماله أثر
يمكن أكسب ثواب فيه
واد طلته زي القمر
شايفه فى عنيه نيه صافيه
بس ياريته كان صبر
على البلاء وعلى الأذيه
واللي شافه من ذل وقهر
بدعي له من قلبي
أنه يكون خير البشر
(((أسامه جديانه)))
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.