السيد محمود محمد
يا مالكه روحي
***********************
ياورده مكانها في البستان
عطرها بيفوح في كل مكان
رويتها بدمع العين وسقيتها
فاحت منها روايح شوق وحنان
يا نسمه دايما بتطوف حواليا
مليانه دفا ووفا وحنيه
بانسي همومي في لمستها
وبارتاح لما بشوفها بعنيا
لا قادر ولا باعرف اوصفها
بتاخد عقلي وروحي لما بشوفها
الضحكه ماليه عنيها وبسمتها
تملي مرسومه فوق شفايفها
بنيتلها في قلبي مسكنها
ودقاتي بتدق علشانها
ملكتني خلاص بحنيتها
وادمنت حبها ليا وحنانها
دوبت خلاص وغرقت في هواها
العيشه معاها يا محلاها
ولو هاطلب من ربي امنيه
هاتمني يجمعني في جنته وياه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.