( الحق ... والبهتان )
________________
أنا عايش ومش عايش
انا زي البسيس بايش
ماليش ............. عنوان
وضاعت كل.... تفاصيلي
وانا التايه في تأويلي
مع .............. الأحزان
لا انا شايف ولا سامع
ولا شاري ... ولا بايع
ولا نازل .... ولا طالع
انا ................. التايه
مابين الحق ... والبهتان
وانا الطيب مابين فجار
وانا الشاطر ف إيد تجار
لكن غايب عن الأنظار
كأني شريد بلا عنون
ولقيت الكل في الأزمه
ضمير ميت مالوش لازمه
بنتسرسب من الحزمه
وضاعت قيمة الإنسان
ياشمس الصبح طال ليلك
ضيك فين .... وقنديلك
ماشدوا العدل من حيلك
ولفوني في ... الأكفان
تعالى طلتك ..... وافيه
مدي خيوطك الدافيه
يطرح زرعنا العافيه
ويحمينا من الحرمان
ونرجع تاني للمعني
وتصحى قلوبنا وتساعنا
وكلمة حب .... تجمعنا
ونرجع تاني زي زمان
وافك قيودي م الهامش
ويجي الفرح نتناغش
واحس إن انا عايش
مانيش بايش ولا هفتان
ويبان الحق م البهتان
ويبان الحق م البهتان
______________
بقلمي الفلاح الفصيح
معوض حلمي
منشأة بطاش
تمي الأمديد
دقهلية
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.