صباحكم نور وبخور
وجمعتكم هناء وسرور
ورضا ورحمة من الرب الغفور
===
يا لابسه الثوب الفلسطيني
شفتك بقلبي من قبل عيني
ست الصبايا بمسكها وبندها
كلما بشوفك طيب تنشيني
سحره جمالك للجوارح شدها
وخفة الدم الحر تغريني
بكل الدني عا وسعها وعا مدها
غيرك بنت ما عاد يغويني
حدي وقت تقعد وبقعد حدها
هموم الدني والعمر تنسيني
جوعة فؤادي قادره عا سدها
والروح لو تعطش = بترويني
سلسه بمزحها بالامور وجدها
وبالضيق بتسلي وتواسيني
وايدي وقت ما بتنشبك بيدها
من عطرها ببقى على اديني
ما يوم بتطول عليي بعدها
بتعرف بيضنيني وبيكويني
سعدي معاها وهي معاي سعدها
من الاّخ والنهدات تشفيني
من لطفها ما بقدرش عا ردها
عمري لها كله مع سنيني
بنت الرجال وسيف ماضي حدها
ما يهمها مكياج او زينه
حره اصيله عن ابوها وجدها
حب ووفا من القلب تعطيني
وبتفخر باصلي الفلسطيني
=== محمود شبيب ===
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.