صحصح معايا يا عم
صحصح وانسى الهم
انسى امبارح
والليل الجارح
اضحك ولا تهتم
خلي الفرحه تعم
دا الحزن فايح
والجرح نايح
والدمع ما يلتم
وايه اخرتها ياعم
دايما سارح
جاي ورايح
وهنا ذم وهنا نم
بكلام محفوظ صم
بص لبكره ولاغيه
وفرحه يلاه ناديه
روح الدنيا التانيه
عيشها ثانيه بثانيه
هتلقا الحب والموده
ودنيا ايدها لك فارده
و قلوب ناس تانيه
الطيبه جواها دايمه
بالوداد صاحيه نايمه
وبالمحبه حياتها قايمه
متصحصح معايا ياعم
انسا إمبارح انسا الهم
خلي الفرح بايامك يعم
كلمات
مجدي فرحات
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.