(خلي حلمك بين عنيكي )
يلا قومي و اتكلمي
وكفياكي كدا سكات
جه خلاص وقت الكلام
تخدي بيه حق اللمات
يلا بصي للجاي
وتعلمي من اللي فات
وكفايه بقه تتألمي
ولا خدتي على الاهات
خليكي جامده وكملي
مش مستحيل الأمنيات
مش مستحيل بس اعدلي
وقوي عدلك بالثبات
والظلم جواكي اقتلي
وصحي جواكي اللي مات
اتكلمي
وبأعلى صوتك و اعلني
كفايه عيشه في البيات
يلا بنفسك اشهري
ما تهزكيش الذكريات
قومي يلا اتطهري
انضفي من العفن
ولا ناويه تسلمي
بلا ما تهوى السفن
ولا كاشه في ملعبك
سلمتي نفسك للكفن
يلا قومي اتحركي
لسه فيه في اللعب فرصه
ولا خايفه تخسري
ولا دا لعبها خرسه
لسه فيه فرصه احلمي
وانت دورك جاي لسه
خلي حلمك بين عنيكي
وكل لعب وله أصول
اللي صانعه ما قالش صلصه
كل شىء وله نهايه
ومهما كان ع العدل ترسى
يلا بس شدي حيلك
واحنا نقولك تسلمي
بس حاولي واحنا وراكي
مهما دار أوعك تطاطي
هتلقينا واقفين في ظهرك
خليكي حره
وما ترجعيش ع الشتراكي
وعن اللي باعك هو الغني
قومي بقه من فرشتك
ما تيأسيشي
دنا والله لأجل محبتك
عمري فداكي وما يفدكيشي
وعشان ماتدبلي وردتي
ارويكي دم عشان تعيشي
قوي حلمك بالاراده
واكسري المرض اللي بيكي
ما تسكتيش اتكلمي
قاومي مرض اسمه
السكّات
بلبل طلعت عثمان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.