"شئ خرافي"
بقلمي/ حسين الدسوقي
_______
شئ خرافي .. فوق كتافي
حمل اتقل .. من التقيل
نيه بيضه .. وقلب صافي
كله هم يا .. مين يشيل
نوري نور .. بس طافي
وشمعي قايد .. ملوش مثيل
جرحي زايد .. حبي فايض
وكل مره .. ليا عايد
من القلوب .. جرح وجديد
كل يوم .. همي يزيد
كاني صخر .. او حديد
قلبي مليان .. بالصديد
بس النهارده .. لازم افوق
هاعيش حياتي .. وحلوي ادوق
هارفع رآياتي .. فوق ضفافي
هخلي حبي .. ف قلبي خافي
لو كل شئ .. أصبح خرافي
شئ خرافي .. وياريته كافي
او مكفي ..نفسي تصفي
يادنيا مره .. وتحلي عيشتي
بدل ما مره .. تزغرت
واطبلي . وتبطلي
تجيبلي ..... جره
جوه حيط .. تلبسيني
ترشي ميه .. تفوقيني
فجأه افتح .. نص عيني
مره واحده .. ألاقيني
جوه زنزانتك .. وانتي بره
انا حذرتك .. وانتي حره
شئ خرافي .. انك تخافي
من طوافي .. جوه كعبه
ونش يسقط .. ايد بتبطش
بياده رعبه .. شئ يخلي
الخلق تطفش .. لا بجد دي
حاله صعبه .. وشئ خرافي
تبقي صافي .. أمي المثال
اوفيفي عبده .. مين اللي قال
هو الحال .. اتقلبله حال
او محمد .. رامضان
يبقي اسطورة .. زمان
لا دي عجزه .. او محال
الفن دا .. اعظم مجال
كلمة حق .. لازم تتقال
بس مش .. للدرجه ديه
يادنيا ماتخفي .. شويه
كل أملي انك .. تعافي
مش تخلي . كل حاجه
شئ ...... خرافي
مش هردد .. كلام وقولته
ياكش بس .. تحسي قيمته
مش هسيبك .. تمحي حلمي
اللي جواكي .. رسمته
هابني سد .. لأعلي حد
مش هاوطي .. لأي حد
هصنع بإيدي .. احلي مركب
اهلا وسهلا .. باللي يركب
وجوه رملي .. يتغرس خطافي
هامشي .. لو فناري.طافي
مدام كل .. حاجه
شئ .... خرافي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.