((((( ليه يا دنيا )))))
ليه يا دنيا كده ... بتسوحينا كده
لا يوم بتحني علينا ... ولا يوم شوفنا رضا
كفاية يا دنيا عذاب ... وافتحي شوية الباب
خلينا يوم نتهنى ... ونفرح بالأحباب
طول عمرنا بنتمنى ... نكون يا دنيا أصحاب
ليه ألمك ما بيخفش ... ليه جرحك ما بيلمش
ليه يا دنيا ليه ... ليه بقينا أغراب
أغراب وسط أهالينا ... ولا عدتي بتفرحينا
طعمك بقى كله مرار ... وظلمك ليل ويا نهار
دا اللي مصبرنا الأمل ... وإنت بقى قربك نار
ايه يا دنيا اللي حصل ... جرالك ايه ما تقولي
لإمتى علينا حتصولي ... وبنارك دايمآ تحرقينا
ليه شايله مننا ليه ... أيام يا دنيا بتعذبينا
وسيبانا ولا بتداوينا ... قوليلنا بس عملنا إيه
ليه يا دنيا ليه كده ... ليه بقيتي بالشكل ده
كان حلمنا فيك كبير ... لحد مامات فينا حلمنا
لو يوم يا دنيا فرحنا ... بتغضبي قوام علينا
صائغ القوافي الشاعر
فهد بن عبدالله الصويغ
27-7-2017
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.