ابكي ...
إملا حجري من دموعك
طفي نارك بالبكا
لو يطفيها البكا
لابكي طول العمر
لو هضمن رجوعك
بوست ايدي وقلبي باسك
جوا سدري دفنت راسك
حسيت بحاجه بتتحرق جواك
ونار بتغلي فيها انفاسك
يا ابني روح..
روح وحارب في المحن
ما انت من يوم مولدك
شيلتك وهبتك للوطن
امسك سلاحك عمره
هز السكون
واحمي حدودك يا بطل
مهما يكون
وتعالي فحضن امك يابطل
وريني ريحة دم الشهيد
والله ريحتك هيه هيه
وانت لسه يادوب وليد
وانت لسه ف لفتك
يوم مولدك
----------------------
رحم الله شهداء الواجب في الاردن الشقيق
ابومهاود
محمد احمد حسن
شاعر مصري
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.