اطمني..بقلم "ستاء السيد قنديل"

@@ أطمني @@
لساكي خايفه !!
هو ايه معني الامان
عشان ارد بالسلام

هو ايه لون الصفا
عشان اعرف معني الوفا
يعني ايه الضحكه صافيه
يعني ايه دفا الشتا
يعني ايه ربيع وصيف
هو ايه معني الحياه
وجوه مني الف اه
يعني ايه محرومين
اعرفها امتي وازاي وفين
وانا عمري مادُقت الشبع
مين بيفهم .. مين بيسمع
لما شكوي تيجي من عدم
يعني ايه إنسان يساوي
يعني ايه مابيساويش
يعني ايه تسأل تقولي
لسه خايفه !!!!
لا ماتخافيش !!!!
مين بيعرف في الملامح
لما نجرح او نسامح
مين مفارق !!!
مين معاود !!!
مين لسه فاكر الأنسانيه !!!
عشان تقولي لسه خايفه
أطمني ..
_____________
بقلم .. سناء السيد قنديل