انا مش عارفه اعيش بعدك ...بقلم الشاعره المتالقه ....الاستاذه مياده محمد ...
**********************************************************
انا مش عارفه اعيش بعدك
انا مش عارفه حتي اموت
كلام الناس كتير لكن
انا مش سامعه غيرك صوت
وزى ما كون بقيت تمثال
كما المنيكان بدون احساس
تشوف شكله تقول انسان
بشر من لحم زي الناس
وهو اصلا شمع وسآل
كأنه مومياء جوة تابوت
ملامحة الجافة لو تنطق
تقول اني بموت مكبوت
صراخي بيعلي وبيعلي
وطالع جوة سجن سكوت
دا من كتر الالم يمكن
قرار العيشة تصريح موت
وف ليلي ونهاري بداوي
لو ناري زادت يوم فيا
بالاقي وشي المتداري
ملامحه بانت ف عنيا
ورغم عنادي و اهاتي
برغم صمودي وسكاتي
زماني حالف علي موتي
زماني حالف على موتي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.