( الباب مفتوح )كلمات/صبري حسين
خلاص
اتعلمت
وفهت
بطلت امسك أيد اي حد
بطلت اشحت الود
اللي عايزني انا موجود
عمري مابنيت بيني وبين حد سدود
فتحت بابي علي الاخر
للي داخل
للي خارج
اللي داخل برحب به
واللي خارج بسلم عليه
بكل ود واحترام بودعه
عمري ما اقوله كلمة تجرحه
انا خلاص وصلت للنهاية
عشت فصول الرواية
فهمت القصة
خلاص دفنا ب ايدينا الرومانسية
عليها رحمة الله الحنية
وقفنا اخدنا عزاهم
عايشين ايام رضية
خلاص احنا في زمن المادية
كل شيء له دية
وزمان قالوا في الامثال
اهلنا الطيببن اولاد الحلال
اللي كانوا بعرفوا الاصول
اللي تعرف ديته اقتله
واحنا بنفذ الوصية
بعنا الاخوة
صلبنا. المحبة
دمرنا كل القوب الوفية
دوسنا علي كل معاني الانسانية
يبقي ها اتمسك ب ايه
ولا نبكي علي ايه
الغالي اتباع ببلاش
الحب ملهوش قيمة عند الناس
اللي تحاول تتمسك به
وبعمرك تتمني تفديه
هو اللي يبيعك
في اول محطة يسيبك
اللي تخاف عليه
وتعمل خدك مداس ليه
بكل برود يطعنك ويصيبك
مايفتكرش صبرك عليه
المشاعر مش فارقة مع حد
ولا حد بيبكي علي حد
المشاعر ملهاش قيمة
المهم انت معاك ايه
المهم اللي في جيبك
مافيش حاجة تعيبك
طول ما جيبك عمران
بالبنكنوت مليان
الكل يبقي حبببك
الكل يتمني قربك
يا عم خلاص
مات الاخلاص
الكل بيدور علي نفسه
كل واحد مشغول بحاله
الكل بيقول ياللا نفسي
انا مالي ومال غيري
هانبكي علي ايه
الباب اهو مفتوح
بقولها بكل وضوح
مش هانكر اني موجوع
لكن قرار مافيش في رجوع
فتحت ب ايدي الباب
اللي عايز يدخل يتفضل
واللي مش عايز مع السلامة يرحل
يخرج. براحته
راحتي. في راحته
خلاصنا فهمنا القصة
بطلت اتمسك بحد
ايوة بزعل علي الود
لكن لكل شيء حد
الدنيا عمرها ما وقفت علي حد
هو ده كلام الجد
مافيش حد بيموت علي حد
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.