قصيدة هزلية
زي الديك
زي الديك
نافش ريشه
زي الديك
إهد يا عم
وإنسى الهم
هدي اللعبة
قدي ما فيك
سرقونا بحنية
والبصمة حريرية
عبوة وكانت منسية
طلعت فيني وطلعت فيك
أوعى تحمل هم لبكرا
يمكن ما نشوفه يا حسرة
خلي إيديك بإيدية
غطيني وأنا بدفيك
هالدنيا عم تلعب فينا
اليوم اتروح وبكرا اتجينا
ومن غدرا الله ينجينا
تلعب فيني وتلعب فيك
يا دنيا أوعي اتحبينا
مرجوحة وبتبرم فينا
مر السكر عم تسقينا
يشفيني ألله ويشفيك
هالدنيا زي المغارة
تدخل باب وتبرم حارة
بالأحمر تضوي الإشارة
غلطت فيني وغلطت فيك
هالدنيا أمرا عجيب
ما بتترك فيها حبيب
ضربتها والله ما تخيب
بتربيني وبتربيك
إضحك وانسى همومك
نورت بهالعتمة قدومك
ونضيفة خليها هدومك
يهديني ألله ويهديك
زي الديك
بقلمي محمود عجور
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.